នៅថ្ងៃទី 5 មិថុនាខាងមុខនេះ ក្រុមហ៊ុន Apple នឹងបង្កើតព្រឹត្តិការណ៍ ជួបជុំជាមួយអ្នកអភិវឌ្ឍន៍ Software ដ៏ធំមួយរបស់ខ្លួន ដោយក្នុងនោះយើងមិនត្រឹមតែឃើញ រូបរាងដំបូងរបស់ កំណែអាប់ដេត iOS 11 នោះទេ តែក្រុមហ៊ុន ក៏នឹងឆ្លៀតដាក់បង្ហាញ ផលិតលថ្មីៗមួយចំនួនផងដែរ។ ដោយយោងទៅតាម ប្រភពពត៌មានដ៏គួរអោយទុកចិត្ត បំផុតរបស់ Bloomberg បានបញ្ជាក់យ៉ាងច្បាស់ថា Apple នឹងធ្វើការ Upgrade កម្លាំងម៉ាស៊ីនលើកុំព្យូទ័រខ្លួន អោយល្អ និងខ្លាំងជាងមុន មិនថាពពួក MacBook Air, New MacBook រឺ MacBook Pro នោះទេ។
កុំព្យូទ័រទាំងនេះ នឹងមិនមានរូបរាងប្លែកផ្លាស់ប្តូរ ខុសពីជំនាន់មុនឡើយ ពោលវាអាចផ្លាស់ប្តូរ តែពីចំណុចប៉ុណ្ណោះ គឺស៊ីភីយូ និងក្រាហ្វិកកាត (សម្រាប់ម៉ូឌែល 15 អ៊ីញ)។ ដូចយើងបានដឹងហើយថា កុំព្យូទ័រ MacBook Pro 2016 វាមិនបានប្រើប្រាស់ បន្ទះឈីប Intel ជំនាន់ចុងក្រោយឡើយ ហេតុដូច្នេះហើយ ដើម្បីធ្វើអោយវា ទាន់សម័យកាលនោះ Apple នឹងបញ្ចេញស៊េរី Mid 2017 ដែលមានកម្លាំងម៉ាស៊ីនល្អ ជាងមុន ដើម្បីទាន់គេទាន់ឯង។ ដោយឡែក Apple ក៏អាចនឹងនាំយក ពពួក MacBook Air មកវិញផងដែរ ព្រោះអីវាប្រហែលជានៅមាន តម្រូវការច្រើនដដែរ ណាមួយក្រុមហ៊ុន ខកខានមិនបានបញ្ចេញ ម៉ាស៊ីន Upgrade របស់វាតាំងពី ឆ្នាំ 2015 មកម្ល៉េះ។
នៅពាក់កណ្តាលឆ្នាំនេះ ក្រុមហ៊ុនជាច្រើន បានបញ្ចេញកុំព្យូទ័រស៊េរីថ្មីៗ ដែលមានតាំងពី កុំព្យូទ័រធូរៗថ្លៃ រហូតដល់លំដាប់កំពូល ហើយ Apple វិញក៏មានដូចគ្នា តែវាគ្រាន់តែជាការផ្លាស់ប្តូរ ម៉ាស៊ីនបន្តិចបន្តួចប៉ុណ្ណោះ មិនមានការផ្លាស់ប្តូរ អ្វីច្រើនឡើយ។ ទោះបីអ្នកគ្មានគម្រោង ទិញកុំព្យូទ័រ MacBook ស៊េរីថ្មីក្តី តែ Apple នឹងធ្វើការបញ្ចុះតម្លៃស៊េរីចាស់ៗទៀត ហេតុដូច្នេះហើយ អ្នកគួររង់ចាំសិន កុំទាន់អាលទិញ កុំព្យូទ័រ MacBook ថ្មីអី។
