ក្រុមហ៊ុន Ubisoft ឆ្នាំនេះចេញហ្គេមច្រើន សុទ្ធតែល្បីៗតែម្ដង នៅក្នុងព្រឹត្តិការណ៍ E3 កន្លងមកនេះដែលហ្គេមខ្លះជាហ្គេម វគ្គទៀតផង មានដល់វគ្គ 5។ ក្នុងនោះមានហ្គេម បែបវិទ្យាសាស្រ្ត មួយធ្លាប់ចេញម្ដងហើយ ហើយទើបតែក្រុមហ៊ុន Ubisoft លើកយកមកវិញ វគ្គថ្មី ដោយចេញជាឈុតខ្លីដាក់បង្ហាញតែម្ដង។ ដែលវាមានឈ្មោះថា Beyong Good and Evil 2 ជាហ្គេម លក្ខណៈ Open World និងផ្សងព្រេង ទៀតផង។
វាជាហ្គេម មានក្រាហ្វិចច្បាស់ លាយឡំ ជាមួយនឹងវិទ្យាសាស្ត្រ ថែមទាំងមាន តួអង្គលេងជាលក្ខណៈកំប្លែង ទៀតផង វាជាហ្គេម ផ្សងព្រេង ក៏ពិតមែន ប៉ុន្តែយើងក៏អាចលេងជាមួយ មិត្តភ័ក្រផងដែរ នៅពេលផ្សងព្រេងនោះ ពីព្រោះវាជាហ្គេមលក្ខណៈ Online នោះអី។ មិនត្រឹមតែប៉ុណ្ណោះ ហ្គេមនេះ ក៏មានជាលក្ខណៈបែបវិទ្យាសាស្ត្រច្រើនដូច្នេះហ្គេមនេះនឹងអមមក ជាមួយនឹងអាវុធ ទំនើបៗ ប្លែកៗ និងយាន្តជិះលើអាកាសផងដែរ។ វាមាន Maps ធំ មានទាំងនៅទីក្រុង តាម ជនបទមានព្រៃឈើ ប្រាសាទផង ដូច្នេះហើយ អាចថាក្រាហ្វិចវាក៏ធំដែរ ដូច្នេះអ្នកមានកុំព្យូទ័រល្មមៗ គួរណាកុំទិញវាអី។ ក្រលេកមកមើល ឈុតខ្លីនេះ គឺពិតជាគួរអោយចាប់អារម្មណ៍ យ៉ាងខ្លាំងជាមួយនឹងការប្រយុទ្ធ ដែលមានតួ រត់គេចជាឧក្រិដ្ធជន ផងនោះ រូបភាពដែលបានបង្ហាញគឺ ក្រាហ្វិចកប់ខ្លាំង អមមកជាមួយនឹងសាច់រឿងគួរអោយទាក់ទាញ ចង់ដឹង មិនទិញលេងមិនបាន។
សរុប មកនេះគ្រាន់ជាការដាក់បង្ហាញឈុតខ្លីប៉ុណ្ណោះ សម្រាប់ បង្អួតហ្គេមដែលមាន រូបភាព ក្រាហ្វិច និង សាច់រឿង ហ្គេមមួយនេះសិនប៉ុណ្ណោះ ក្រុមហ៊ុន Ubisoft គឺមិនទាន់ បញ្ជាក់នៅឡើយថានឹងអាចចេញនៅថ្ងៃណានោះទេ។
